Добредојдовте во Општина Градско

 

Почитувани ,

 

            Ми претставува задоволство да Ве поканам да ја посетите Општина Градско, да се запознаете со нејзините природни убавини, стопански потенцијал, историја и култура. Во Градско ќе Ве пречекаат срдечно, со отворено срце и топло добредојде во сите населени места на општината.

 

            На љубителите на планините им препорачувам да се качат на Клепа и од нејзините врвови да уживаат во погледот во срцето на Македонија. Љубителите на ловот можат да ја користат недопрената природа богата со дивеч, а риболовците да одберат меѓу вештачката акумулација Подлес и реките Вардар и Црна Река.

 

            Централната поставеност на општината, железничката и патна комуникација го прави Градско неминовна дестинација на сите што поминуваат низ Македонија. Затоа и Вие застанете, посетете го локалитетот Стоби, вкусете од вината на истоимената винарија и уникатните специјалитети. Ќе ја почуствувате магијата на вечноста на овој простор, ќе ги чуете приказните што ги раскажуваат реките и бидете сигурни дека ќе дојдете повторно.

 

Искрено,

 

Градоначалник

На Општина Градско,

Жанета Чаушевска

 
кратка биографија
Жанета  Чаушевска по професија е лекар. Родена е во Битола во 1963година. Од 1988 година, по стапувањето во брак одреден временски период живее во Велес. По отворањето на приватна здравствена ординација во 1994 година станува жител на Градско. Секојдневната комуникација со граѓаните, соочувањето со секојдневните проблеми на жителите, како приватни, така и на целата заедница, прават таа да стане омилената личност. Со желба да им помогне на граѓаните во 2009 година станува член на Советот на Општина Градско и нејзин претседател, за на последните локални избори да биде и кандидат за Градоначалник. Нејзината сплотеност со населенитето, програмата која гарантира подобар живот и стандард на граѓаните и развој на општината, придонесе Жанета Чаушевска да забележи апсолутна победа во првиот круг на изборите.
За година и пол од мандатот видливи се позитивни радикални промени во општината, како во населбата Градско каде е нејзиното седиште, така и во сите други населени места.